Telegram'da arizalar, aksiyalar va buyurtmalar uchun bot: murojaatni qabul qiladi, aniqlovchi savollar beradi, tayyor arizani CRM yoki savdo bo'limi chatiga yuboradi va obunachilar bazasiga xabarnoma tarqatadi. Ishlab chiqish 2–4 hafta davom etadi.

Mijoz uchun saytdan forma qidirib, qo'ng'iroq kutgandan ko'ra «Start» tugmasini bosish osonroq. Marketing boti murojaatni darhol qabul qiladi, tafsilotlarni aniqlaydi, menejerga tayyor arizani yuboradi va keyingi takliflar uchun mijozni eslab qoladi. Kanaldagi postdan farqli o'laroq, bot har bir foydalanuvchi bilan alohida muloqot qiladi.

Qanday vazifalar uchun

Arizalar yig'ish: test-drayv, maslahat, narx hisobi, qayta qo'ng'iroq.
Promo-aksiyalar va o'yinlar: cheklar yoki kodlarni ro'yxatdan o'tkazish, shartlarni tekshirish, g'oliblarni aniqlash.
Kvizlar va tovar tanlash: bir nechta savol — va bot mos model yoki xizmatni taklif qiladi.
Katalog bo'yicha buyurtma qabul qilish va uni menejerga yoki CRM'ga yuborish.
Xabarnomalar: obunachilar bazasini qiziqish va til bo'yicha segmentlash.
Sodiqlik dasturlari: bonuslar, promokodlar, shaxsiy takliflar.

Keys

2025-yilda HAVAL'ning O'zbekistondagi vakolatxonasi uchun yangi Telegram-bot yaratdik va oldingi botning foydalanuvchilar bazasini saqlab qoldik — obunachilarni qaytadan yig'ish shart bo'lmadi. Botda dilerlik markazlari xaritasi bor, xodimlar uni admin panel orqali boshqaradi. Loyiha haqida batafsil.

Ko'p beriladigan savollar

Botning barcha foydalanuvchilariga xabar yuborish mumkinmi?

Ha, botni ishga tushirgan va uni bloklamaganlarga. Telegram yuborish chastotasini cheklaydi, shuning uchun katta xabarnomalar qismlarga bo'lib yuboriladi.

Bot menejerlarni almashtiradimi?

Yo'q. Bot oddiy ishlarni bajaradi: ma'lumot yig'adi va odatiy savollarga javob beradi. Bitimni tayyor arizani olgan menejer yopadi.

Foydalanuvchi qayerdan kelganini qanday bilish mumkin?

Har bir kanal uchun parametrli alohida havola yaratamiz, bot manbani foydalanuvchi kartochkasida saqlaydi.

Botda to'lov qabul qilsa bo'ladimi?

Ha. Payme, Click, Uzum va Paynet'ni ulash tajribamiz bor; tanlov bankingiz va to'lov provayderingizga bog'liq.

Aksiya tugagach nima qilish kerak?

Botni doimiy rejimga o'tkazish mumkin: katalog, qo'llab-quvvatlash, yangi aksiyalar. Obunachilar bazasi saqlanib qoladi.

Narx o'z ichiga oladi

Voronkangizga mos ssenariylar

Arizalar darhol CRM'ga

Kod va kirish huquqlari — sizniki

3 oylik kafolat

Ish tartibi

1. Brifing. Maqsad (arizalar, savdo, aksiyada ishtirok), auditoriya va u qayerdan kelishini aniqlaymiz: reklama, salondagi QR-kod, sayt, kanal.

2. Ssenariylar xaritasi. Xatolar va menyuga qaytishni ham qo'shib, dialogning barcha tarmoqlarini chizamiz, xabar matnlarini kelishamiz.

3. Ishlab chiqish va integratsiyalar. Botni yozamiz, kerak bo'lsa CRM va to'lovni ulaymiz.

4. Test. Barcha ssenariylarni jamoangiz bilan birga tekshiramiz.

5. Ishga tushirish. Botni kompaniya akkauntida ishga tushiramiz, dastlabki haftalar statistikasini ko'rib, zaif joylarni yaxshilaymiz.

Muddat: 2–4 hafta.

To'lov: 50% oldindan, 50% ish topshirilgandan keyin.

Narxga nima kiradi

Xizmat narxiga kiradi:

Siz bilan kelishilgan dialog ssenariylari va xabar matnlari
Kerakli tillarda bot: RU, UZ, EN
Arizalarni amoCRM, Bitrix24 yoki savdo bo'limi chatiga yuborish
Bazani qiziqish va til bo'yicha segmentlab xabarnoma yuborish
Kontent va xabarnomalarni boshqarish uchun admin panel yoki buyruqlar
Statistika: foydalanuvchilar, arizalar, belgili havolalar bo'yicha manbalar
Barcha ssenariylarni test qilish va kompaniya akkauntida ishga tushirish
3 oylik kafolat, dastlabki kod va kirish huquqlarini topshirish

Alohida, so'rov bo'yicha:

Tugmalar o'rniga mini-ilova (WebApp)
Murakkab aksiya mexanikalari: cheklarni tekshirish, kod generatsiyasi
Kafolatdan keyin kuzatib borish va yangi ssenariylar
Narx texnik topshiriq asosida hisoblanadi — baholash bepul

Marketing va sotish uchun Telegram boti